ტურის აღწერილობა

დაგეგმილი ინფოტური შედგება ჩვენს ახალმარკირებულ ტურისტულ მარშრუტზე, კერძოდ ჩირუხი-შუამთის ტბები - ხიხაძირი, სადაც გექნებათ საშუალება მოინახულოთ ჩირუხის ულამაზესი პანორამული ხედები და შუამთის მისტიური ტბები, შემდეგ კი სოფელი ხიხაძირიდან ცენტრალური მაგისტრალით დავბრუნდებით ბათუმში. ალპური მარშრუტი ჩირუხის მთა- შუამთის ტბები-სოფელი ხიხიაძირი ორ მაღალმთიან მუნიციპალიტეტს - შუახევსა და ხულოს აკავშირებს ერთმანეთთან ისე, რომ ტურისტებს არ უწევთ ბათუმი- ახალციხის ცენტრალური მაგისტრალით მოძრაობა. მარშრუტის დასაწყისშივე იშლება ალპური საძოვრების პანორამული ხედები პატარა ხის სახლებით.(მარშრუტის საერთო სიგრძე 250 კმ-ია).

ფოტოები

დამატებითი ინფორმაცია

კვებას, ტრანსპორტს და მოგზაურობასთან დაკავშირებულ სხვა ხარჯებს უზრუნველყოფს ტურისტული პროდუქტების განვითარების სააგენტო.

გამგზავრება მოხდება მაღალი გამავლობის ტრანსპორტით-დელიკებით, რეგულაციით გათვალისწინებული ნორმების დაცვით. (ერთ ტრანსპორტში მოთავსდება მხოლოდ ოთხი ადამიანი, ადგილზე დაგხვდებათ სადეზინფექციო ხსნარი და პირბადეები).

გთხოვთ ჩაიცვათ მოხერხებული, სპორტული ტანსაცმელი და ფეხსაცმელი. ასევე თან იქონიოთ სათადარიგო თბილი ტანსაცმელი, მზისგან დამცავი საცხი და ქუდი. არ არის რეკომენდებული ღია ფეხსაცმლის ჩაცმა.